Rodrigo Varela (Vigo, 1974) amosa contento o froito dun paseo polos montes de Dumbría. Varios quilos de boletus edulis , un dos fungos máis apreciados na cociña e tamén unha das variedades que máis facilmente se poden atopar na comarca.
-¿Que vai facer con tamaños cogomelos?
-Estrear o día cun almorzo fantástico con ovos revoltos con moita manteiga, torrada de bolo de Baíñas e sombreiros de boletus e tomates á prancha.
-Ata hai pouco os cogomelos nin se recollían na Costa da Morte.
-Nin en Galicia. Agás na zona da Ribeira Sacra, co guiso de choupíns, no resto case nin se coñecen. Ademais, perdeuse a cultura do monte, están descoidados, e iso tamén inflúe. A Costa da Morte é famosa polo seu marisco, pero o marisco tamén está en outono no monte.
-Eses cogomelos se atopan nos mercados a prezos altísimos.
-Un pode ir a un centro comercial e pagar 40 euros por un quilo de boletus edulis facendo cola na caixa e buscando sitio para aparcar, ou darse un paseo polo monte cun cesto e boa compañía escoitando os paxaros.
-¿Pódese facer un negocio cos cogomelos na comarca?
-Para vendelos só serven os pequenos e bonitos, pero os grandes tamén se poden utilizar para facer po, que é un potenciador do sabor excelente, ou para outras cousas, por exemplo, en arroz con berberechos e boletos.