santiago | 6 de febreiro Un tributo a Dire Straits na Capitol

A compostelana sala Capitol acollerá o vindeiro sábado, 6 de febreiro , un concerto de Brothers in Band, a banda tributo aos Dire Straits máis parecida aos Dire Straits . A partir das 21.30 horas e por só 12 euros , os fans de Mark Knopfler ,que precisamente este ano dará unha xira mundial, e da súa banda poderán escoitar temazos como Sultans of Swing , Money for Nothing o Walk of Life , entre outros, nun concerto de dúas horas e media de concerto que levará aos asistentes a unha auténica máquina do tempo.

Brothers in Band arranca así este 2010, logo de dous anos de historia nos que a formación, que naceu de casualidade na Coruña, deu case 50 concertos en toda España , incluída a actuación estrela da que foi primeira festa de fans de Dire Straits en España, celebrada co apoio de manager de Knopfler en febreiro de 2009 en Ourense.

Hai outros grupos tributo aos Dire Straits, pero Brothers in Band é o único que respecta o formato que a banda británica levou na súa mítica xira de 1992 , On the night : dúas guitarras, baixo, batería, dous teclados, percusión, saxo e steel guitar. Ademais, Brothers in Band pode presumir de contar coa bendición dos propios membros Dire Straits , en concreto co teclista Guy Fletcher, que cando escoitou os ensaios en directo da banda galega durante un festival no que coincidiron en Granada, pensou que se trataba dunha gravación orixinal de Mark Knopfler, tal e como relatou na súa web.

As entradas para o concerto, cun aforo de 750 persoas, custan 12 euros e poden mercarse por adiantado nos bares Handicap, Chaflán (A Coruña), Sala the Star (Carral), nas tendas FNAC e en Discos Gong e A Reixa (Compostela), no Carrefour e por internet nas páxinas web de Ticketmaster e Caixa Galicia.

Promocións

Personaxes públicos como As Cantareiras de Ardebullo, Paco Lodeiro ou Moncho Borrajo encárganse de promocionar o concerto de Brothers in Band na sala Capitol co seu humor tan característico.

Moncho Borrajo con Brothers in Band

bROTHERS iN bAND - tRIBUTO dIRE sTRAITS | Vídeos musicales MySpace